"امنيتي " لمحمد صالح بن عوانة

ملي ريتك و انا نلوج عليك 

نلوج عليك بيناتهم ..

نلوج عليك مع طلوع الشمس وغروبها
بين النسمات ألي تهب وبرودها
بين قطرات المطر كي تبغبش وحتى وقت جنونها 

بين قلمي و اوراقي كي نكتب عليك
نلوج عليك بيناتهم ..

نلوج عليك غادي وهنا ..
نحب نشوف وجهك حتى صدفة مصورو السحاب فالسماء
نحب نشم ريحتك ! تي نتخيل فيها تطاير فالهواء
نلوج عليك بيناتهم ..
بينات النجوم والقمرة،، فالليل في قلب المنامة
نلوج عليك في عز السخانة، فالبرد و نسمتو المسمامة

نلوج عليك بينات إلي ماشي وألي جاي  ...

مع كل شدة يدين
مع كل بوسة
مع كل تعنيقة
مع كل إنسان قلبو حنين  ...

نلوج عليك فالغناية لي نسمعها
فالكلمة الحلوة لنتمنى نرجعها
فالفرحة والتبسيمة والعين إلي الشوق دمعها ..

نلوج عليك إنت ! يالي لا نعرفك ولا نعرف اماليك 

نعرفك "امنية" نحب نحققها معاك
انت لي ياما تخيلتك ومستحيل نهار نلاقيك
تي تعرف حاجة ! خترت النوم  بش في أحلامي نشبع بيك   ..

محمد صالح بن عوانة