"على خاطرها المرا التونسية ..." لمحمد صالح بن عوانة
هي المرا التونسية .. هي علجية وساسية وفتحية ، هي الحرّه المقديّه ، هي الغنيّه والزوّاليّه ، هي الحاذقة المسميّه .. هي تراكي و دوجه ، نخلّي الكبيده ممروجه ، وشقلابه كيف الموجه .. هي بنت رجال ، صياحها يهدّ جبال ، ما يغرها جاه ولا مال ، و نومرو واحد في الدلال
هي العسّول ، والخرنانة اللي تركب الغزّول ، واللي يشوف زينيها يولّي بيها مهبول .. هي الحنينه، البنينه ، العاقلة ، الرصينه .. هي الشهلوله ، الدلّوله و المهبوله .. هي الزعبانه ، الرهدانه، السكبانه المزيانه كلّها فيانه
...
هي البيضا والقمحيه، الكحلة والسّمرا واللي خزرتها تكوي كيف الجّمره ... هي صباحْ و رْبَاحْ ،عطر فوّاح ، وصدر كيف تتكّا عليه ترتاح .. هي الباهيه مش الدّونيّه , ومعاها تتحلّ قدّامك الف ثنيّه ، وكل شي باهي تلقاه فاها .. هي زينة البلاد، ام الاولاد ، وجدّة الاحفاد
هي البيضا والقمحيه، الكحلة والسّمرا واللي خزرتها تكوي كيف الجّمره ... هي صباحْ و رْبَاحْ ،عطر فوّاح ، وصدر كيف تتكّا عليه ترتاح .. هي الباهيه مش الدّونيّه , ومعاها تتحلّ قدّامك الف ثنيّه ، وكل شي باهي تلقاه فاها .. هي زينة البلاد، ام الاولاد ، وجدّة الاحفاد
هي ورقة وقلم ، بلادها تفديها بالدم ، ،ومنحملش في ولد العمّ .. هي ريحة القهوة العربي اللي تفوح، هي التّفاح الّي يردّ الرُّوح ، تداوي وتبرّد الجرُوح .. هي ريحة التّرابْ ، مضيافه وتفرح بالاغرابْ،
هي بنت الشّمال والجنوبْ هي شروق الشّميسه والغروبْ ، هي المكتوب الًلي ما منّوش هروبْ
هي السّفساري والخلخال، هي مولات البوسة خال .. هي الملية والخلال ، وبزينها مذوّبه الرّجال .. هي ريحة النّسرِي، و دمّ بلادها في عروقها احمر يسرِي .. هي حفيدة علّيسه ، كي تفد و تضيق بيك تلقاها وْنِيسَه
هي الشّامخه السّمرا ، لا تتمثّل بالشّمس ولا بالقمرة .. هي بين النسا قدرها عالي ، مرا عظيمه ، عندها الوهره والقيمه .. هي التونسيّه الكادحه ، تصون العرض و بذراعها نخدم الارض .. هي النسناسه البرباشه الحفّاله الزغراطه المغياره الحلوّه السّحاره ، هي في صلب كلّ راجل موشّمة اماره
،
هي تونسيّه ساحليّه كافيّه جندوبيّه قابسيّه قصرينيّه صفاقسيّه نابليّه بنزرتيّه زغوانيّه قرويّه .. اشهد يا زْمان علاها ، في كلّ ولاية هيّا تونسيّه مطبوعة عربيّه حرّه اصليّه
محمد صالح بن عوانة
تعليقات
إرسال تعليق